6. उजीनुम - सर्वनाम (Pronoun)
परिभाषा :- ञुनुम बोदोल ते बेबाहोरोक् कान साबाद गी उजीनुम कु मिताक् काना।
( ञुनुम बोदोलते जाहांन साबाद लगाक्आ से माने बाडायोक् ओना दो उजिनुम को मेताआ )
जे लेका :- इञ, आम, उनी, उनकिन, ओना,नोवा,हाना, नुई, नुकिन, निया, एमान कु।
वाक्य में प्रयोग :-
चुनु दो गेल बोछोर रेन कोड़ा कानाय।
1) चुनु दो दिनाम गी ओलोक् ए चालाक् काना।
2) चुनु दो आडी चोरोक कोड़ा कान गेयाय ।
3) चुनु दो गो बाबावाक् हुकुम कोय दोहोयेदा।
4) चुनु लेका कोड़ा दो ओकोय बाय कुसीयामा।
> घाने घाने चुनु साबाद बेबाहारोक् काना।
आदो,
1) चुनु दो गेल बोछोर रेन कोड़ा कानाय ।
2) उनी दो दिनाम गी ओलोक ए चालाक् काना।
3) उनीयाक् मुठा़न दो अडी चोरोक् गिताया।
4) उनीमाय हुकुम बताव कोड़ा कान गी ।
5) ओनकान कोड़ा दो ओकोय बाको कुसीयाया ।
> चुनु बोदोल ते उनी, उनीयाक्, उनीमाय, ओनकान साबाद बेबाहारोक्आ।
उजीनुम रेयाक् हटिञ (Types of Pronoun)
1) जोना/होड़ उजीनुम ( पुरुषवाचक सर्वनाम - Personal Pronoun )
2) निज उजीनुम ( निजवाचक सर्वनाम - reflexive pronouns )
3) ठा़वका उजीनुम (निश्चयवाचक सर्वनाम - Demostrative pronoun )
4) बेठा़वका उजीनुम (अनिश्चयवाचक सर्वनाम - Indefinite Pronoun)
5) कुकुली उजीनुम (प्रश्नवाचक सर्वनाम -Intrrogative Pronoun )
6) जोड़ाव/नाता उजीनुम (संबंधवाचक सर्वनाम - Relative Pronouns )
1) जोना/होड़ उजीनुम ( पुरुषवाचक सर्वनाम )
परिभाषा :- जहाँठाक् उजीनुम साबाद ते रोरोड़िच, ओओलिच आच् सुमुड. लगी़क् से आञजोमिच्/पाड़हाडिच् लगी़क् से जहांय तिसार होड़ लगी़क् ए रोड़िदा से ओली़दा, तोबे उना दो जोना उजीनुम कु मितावक्आ।
( जाहाँटाक् उजिनुम ते रोरोड़ीच् ,आंञजोमिच् आर जाहाँय बाबोत् ते बाडायोक्आ होड़ उजिनुम को मेताआ। एटाक् साबाद लेकाते - होड़ाक् ञुतुम बोदोल ते हिजुक् कान साबाद गे होड़ उजिनुम को मेताक्आ ।
जे लेका :- इञ ,आलाङ ,आबो।
• इञ दोञ जोम लिगी। - इञ
• आम दो जिराव हाताड़ोक् में। - आम
• निया काड्छु ते उतु दो लुय में। - निया
• हाना बाटी होपोन रे उतु दो सुर में। - हाना
होड़ उजिनुम दो पे हाटिञ रे मेनाक्आ -
> जोना उजीनुम (पुरुषवाचक सर्वनाम) रेनाक् भेद
1. माड़ाड, जोना/गोरान (उत्तम पुरूष)
2. सामाड. जोना/गोरान (मध्यम पुरूष)
3. सांगीञ जोना/गोरान (अन्य पुरूष)
* माड़ाड. जोना/गोरान :-
जहाँठाक उजीनुम साबाद ते रोरोड़िच् बाबोत रे बाडायोकआ, माड़ाड. जोना कु मितावाक्आ।
( मेमेन होडा़क् ञुतुम बोदोल ते जाहां साबाद बाडायोक्आ ओना दो होड़ उजिनुम को मेताक्आ )
जेलेका :- इंञ, आलाड., आ़लिञ, आबो, आले।
- इंञ ओलोक् काना।
- आले दो दाका ले जोम एदा।
* सामाङ जोना/गोरान :-
रोरोड़िच् आक् काथा ओकोये आञजोमेत्, आञजोमित् लगिक् ओका उजीनुम साबात बेबाहारोक् कान सामाड. जोना को मिताक् काना।
( आजोम होड़ाक् ञुतुम बोदोल ते जाहाँ साबाद बाडायोक्आ ओना दो सामाङ जोना/गोरान को मेताआ )
जेलेका :- आम, आबेन, आपे
नोवा, नोवाकिन, नोवा को
नूई, नुकिन, नुको
* संगीञ जोना/गोरान :-
जहान उजीनुम साबाद ते रोरोड़िच् से आञजोमिक् धारा कातेक् तिसार जोना बाबोत ते बाडोयक्आ संगिञ जोना कु मितावाक्आ।
( जाहाँयाक् बाबोत् ते जाहाँ मेनोक्आ ओना दो सांगिञ गोरान को मेताक्आ )
जेलेका :- उनी, उनकिन, आकु
हाना, हानाकिन, हानाकु
मित् गोटाङ बार गोटाङ सांगे गोटाङ
इञ आलाड./आलिञ आले
आम आबेन आपे
नोवा नोवाकिन नोवाको नुई नुकिन नुकु
निया नियाकिन नियाकु
उनी उनकिन उनकु
ओना ओनाकिन ओनाको
हाना हानाकिन हानाकु
गाय गायकिन गायकु
राम रामता़किन रामताकु
2) निज उजीनुम (निजवाचक सर्वनाम )
परिभाषा :- ओनकान उजीनुम ओका ते दो आपनार खुद तेत् निजतेत् रेयाक् बाडायोक्आ, निज उजीनुम कु मितावाकआ।
जे लेका :- इञ तेत् गीञ, आम गिम, आच तेत् गी एमान तियाक् ।
• इञ तेत् गीञ चालाक काना।
• आम गगीम हिजेक काना?
• आच् तेत् गीये का़मी काना।
3) ठा़वका उजीनुम (निश्चयवाचक सर्वनाम )
परिभाषा :- जाहां ठाक् उजीनुम साबाद ते जहांन जीवियान आर बेजिवियान जिनिस बाबोत ते खटी-खटी ते बाडाय उतारोक्आ, ठा़वका उजीनुम कु मितावकआ ।
( जाहाँ उजिनुम ते ठावका जिवीयान आर जिनिस बाडायोक्आ ओना दो ठावका उजिनुम को मेताआ )
जे लेका:-
प्राणी- नुय, नुकिन, नुकु,
उनी, उनकिन, आकु,
हानी, हानकिन, हानकु, एमान तियाक् ।
वस्तु- नोवा, नुकिन, नोवाकु,
ओना, आनाकिन, ओनकु
हाना, हानाकिन, हानाकु एमान तियाक् ।
वाक्य में प्रयोग :-
• नोवा कोलोम दो तिनाक् मोज।
• ओना पुथी दो ओकोयाक् ?
• हाना मोटरा नोतेय में ।
• हानी मिञहू दोय नुनु काना।
• नई गाय दो इञ रेन गी।
• हाना धीरी आगुय में।
4) बेनित उजीनुम/बेठा़वका़ उजीनुम (अनिश्चयवाचक सर्वनाम )
परिभाषा :- जहांठाक् उजीनुम साबाद ते जहांन जीवियान आर बेजिवियान जिनिस बाबोत ते खटी-खटी ते बांड. बाडाय उतारोक्आ, बेठा़वका़ उजीनुम को मितावक्आ।
( जाहाँ उजिनुम ते ठावका जिवीयान आर जिनिस बाङ बाडायोक्आ ओना दो बाङ ठा़वका़ उजिनुम को मेताआ )
जे लेका :-
जहांय (कोई) जहांयकिन (कोई दोनो) जहाँयकु(कोई सब)
जहां (कुछ) जहांकिन ( कुछ दोनों) जहांकु (कुछ सब)
जहांनाः जहांनाःकिन जहांनाःकु
जहांटाः जहांटाःकिन जहांटाःकु
वाक्य में प्रयोग :-
• जाहांय मान तहांय कुछ जोम आना ।
• ओकोय कुम मेन लेत् कोरवा ।
• ओकोय कोचोङ को इदीयाना ।
• इदीय ला़गीत् जाहांना:कु आ़गूय मे ।
5 ) कुकुली उजीनुम ( प्रश्नवाचक सर्वनाम )
परिभाषा:-
कुकुली लगीत् ओका उजीनुम साबाद बुन बेबाहारेक् कान, ओना दो कुकुली उजीनुम कु मितवाक्आ।
( जाहाँ उजिनुमते जाहाँय गे कुलि रेयाक बाडायोकआ ओना दो कुकली उजिनुम को मेताकआ )
जाहाँ लेका -
ⅰ) जिवीयान- ओकोय ? चिली ? ओकोयठाक् ?
ii) बाङ जिवीयान- ओका ? चेत् ? तिना़क् ? ओकाठाक् ?
तिनाक् ? तिन रे ? ओकायेना ? ओकारे ? एमान तियाक्।
वाक्य में प्रयोग :-
• ओकोय कानाम ?
• ओकोय कानाम आद दो ?
• ओकाठाक् एम जोमा ?
• तिनाक् आदोम खोज काना ?
• ओकारेम ञाम केदा ?
• ओकाठाक् पे कुसी एना ?
• चेत् पे चेकायेत् काना ?
• नोंडे गी मेनामा आम दो ?

6) जोड़ाव / नाता उजीनुम (संबंधवाचक सर्वनाम)
परिभाषा :- ओनकान उजीनुम साबाद ओका ते दो बार गापालमाराव जोखानच् उनकिन ताला रेयाक् नाता / जुड़ाव बाबोत ते बाडायोक्आ नाता / जुड़ाव उजीनुम कु मितावक्आ।
जे लेका - ओनेञ़, ओनेम, जहांय, उनीय एमान तियाक्।
वाक्य में प्रयोगः-
• ओनेञ एमात् में ताहेंकान पुथी देन से।
• जहांय पाड़हाआ उनीय पासोक्आ।
कुकुली :-
प्र0 1. ञुनुम बोदोल ते बेबाहारोक् कान साबाद दो चेत् काना ?
उ०:- (1) उजीनुम
(2) गुणुम
(3) जुनुम
(4) कजुम
उत्तर:- (1) उजीनुम
प्र० 2. 'इञ' चेक् लेकान उजीनुम काना ?
उ०:- (1) सामाड. जोना
( 2) माड़ाड. जोना
(3) सांगिञ जोना
(4) ओकाठाक् हों बाड.
उत्तर:- ( 2) माड़ाड. जोना
प्र० 3. ठा़वका़ उजीनुम ओकाठाक् काना ?
उ०:- (1) चेत्
(2) नीया
(3) ओको
(4) जहांनाक्
उत्तर:- (2) नीया
प्र04. ओकोय ए हजूक् काना ? निया़ आयात् रे उजीनुम साबाद ओकाठाक् काना ?
उ०:- (1) ओकोय
(2) हजुक
(3) काना
(4) ओकाठाक् हों बाड.
उत्तर:- (1) ओकोय
प्र० 5. इञ दो दाकाञ जोम एदा। निय दो ओकाठाक् उजीनुम काना ?
उ०:- (1) कुकुली
(2) बेठा़वका
(3)जोना
(4) ठावका
उत्तर:- (3)जोना
नोट:-
उदुक उजिनुम (Indicate Pronoun) (संकेतवाचक सर्वनाम) - जाहाँ उजिनुम ते उदुक ला़गित बाडायोआ ओना दो उदुक उजिनुम को मेताक्आ।
जाहाँ लेका - i) जिवीयान - नुय, उनि
ii) बाङ जिवीयान- नोवा, ओना, हाना।
Comments
Post a Comment